Har kadam har raah ne kuch sikhaya hai

pahadon ki uchaiyon ne

Samundar ki gehrayin ne 

Patli galiyon aur chaudhe raston ne 

Is safar mein tumne ae zindagi humein Bahut kuch sikhaya hai 

Kabhi chadte gaye pahadon par 

Kabhi baithe rahe samundar ke kinaron par 

Kabhi likhte gaye kalam se dil ka bayan 

Kabhi dil mein bahut kuch rakhte gaye hum 

Badhte gaye chalte gaye ruke nahi ye kadam 

Kaante bhi chubhe chot bhi lagi 

Himmat mili aage chalte gaye 

Badhte gaye kabhi dheere kabhi tez

Par ruke nahi ye kadam